Come Shine med Jan Erik Vold og Einar Økland

Eitt av dei beste jazzbanda i landet, saman med to av våre mest folkekjære poetar.

Tjueårsjubilanten Come Shine er kjende for fantasifulle og nyskapande tolkingar av jazzstandardrepertoaret. At Jan Erik Vold har eit spesielt øyre for jazzen vart klårt alt på slutten av 60-talet, då han gav ut «Briskeby blues» saman med Jan Garbarek. Han bringer fram i ljoset den jazzpoetiske arven som ligg i Come Shine sitt fokus på tekstar og formidling. Einar Økland har også ei livslangt kjærleiksforhold til jazzen, og saman med bl.a  Jan Erik Vold var han redaktør for boka Jazz i Norge i 1975.

Erlend Skomsvoll – piano
Live Maria Roggen – vokal
Sondre Meisfjord – bass
Håkon Mjåset Johansen – trommer
Jan Erik Vold – dikt, stemme
Einar Økland – dikt, stemme

Arrangementet er eit samarbeid mellom Falturiltu og Stord Jazzklubb.

Billettar finn du her!

Kari Stai blir festivalforfattar i 2018!

image

Kari Stai er forfattar og illustratør, mest kjend for bøkene om Jakob og Neikob. Historiane om desse to blir karakterisert som moderne barnebok-klassikarar. Dei er omsette til ei lang rekke språk og er blitt både animasjonsfilm og teater. I fjor haust lanserte Stai boka Tankespinn som er ei vakker og innsiktsfull forteljing om vanskelege tankar i eit lite hovud.

Falturiltu er blitt ein nasjonal festival for nynorsk barne- og ungdomslitteratur, og for å markera dette har ein valt å sleppa årets festivalforfattar i samarbeid med Litteraturhuset i Trondheim, 21. mars.

Same veka lanserer Falturiltu årets tema under Vossa Jazz. 24. mars vil Vegard Markhus lesa og fortelja på biblioteket.  Markhus fekk Nynorsk barnebokpris for bildeboka Timothy mister seg sjølv. Tema i 2018 blir bildebøker, og mottoet blir Ord + bilde = sant.

Kari Stai – Trondheim 21.03: https://www.facebook.com/events/1419597678152658/
Vegard Markhus – Voss 24.03:
https://vossajazz.no/arrangement/vegard-markhus/

 

 

TAKK!

23231164_1656393947716195_2212529372524685678_nDen ellevte Falturiltufestivalen er over, og me svevar (og stevar) av glede!

TAKK til alle forfattarar (og spesielt festivalforfattar Per Olav Kaldestad), musikarar, biletkunstnarar, Galleri Giga, Stord kulturskule, Stord kyrkje, alle barnehagane og barne- og ungdomsskulane på Stord, Stord og Fitjar vidaregåande, Spinae Company, DKS Sveio, Bømlo kulturhus, Stord hestesportsenter, Stord & Kvinnherad & Fitjar bibliotek, Høgskulen på Vestlandet – campus Stord, Valestrand bygdelag, Kenneth Sivertsen-heimen, Fartein Valen-heimen, Arena, Kværner industrisamling, Sunnhordland museum, bokbåten Epos, verdas beste frivilligegjeng, sponsorane våre – og sist men ikkje minst – PUBLIKUM, som har møtt opp i hopetal.

Me sjåast i veke 45, 2018!

Nynorsk barnebokfestival på Stord