Olaug Nilssen debuterte med romanen Innestengt i udyr i 1998. Sidan den gong har ho skrive bøker i ulike sjangrar og markert seg som ei uvanleg og viktig stemme i norsk litteratur. Særleg kjend er Nilssen for romanen Få meg på, for faen som òg er filmatisert. Under Falturiltu møter ho for første gong festivalforfattar Bjørn Sortland til stemnemøte.

Det blir også minikonsert med trioen Kaldestad (Gyrid Nordal Kaldestad: stemme, diverse instrument,  Anne Hytta: hardingfele og Are Lothe Kolbeinsen: gitar/preparert gitar.) Gyrid Nordal Kaldestad sine tekstar og melodiar er skjøre og stillferdige, noko trioen prøver å formidle gjennom eit ope og lyttande samspel. Debutplata, Stille, stille, er miksa og mastra av Stian Westerhus, og kjem ut i haust på selskapet Atterklang.

Billett får du her!