Alle innlegg av Roald Kaldestad

Ingebjørg Bratland avsluttar Falturiltu 2021

Foto: Isabel Watson

Det er ei stor ære å røpa at Ingebjørg Bratland vil avslutta årets Falturiltufestival, i Stord kyrkje, fredag 12. november

Bratland har knapt fylt 30 år, men ho er allereie kjend i heile vårt langstrakte land for si vakre songstemme og eineståande formidlingsevne. Karriera hennar begynte i folkemusikkmiljøet i svært ung alder, men ho har etterkvart bevega seg meir og meir mot popverda. Alt ho gjer har eit umiskjenneleg Bratlandsk særpreg. Med slagerar som Jul i Svingen, Ingen som du, På avstand, Fordi eg elskar deg, Ljos, Stjernene, Vintersong, Bror, Di Ingebjørg, har ho bora seg djupt  inn i den norske folkesjela. Ho er i tillegg ein fabelaktig formidlar, og ein konsert med Ingebjørg byr både på nydelege låtar og lune anekdotar. Denne miksen har gjeve henne eit stort og entusiastisk publikum over hele landet, i tillegg til over 63 millionar strøymingar på digitale plattformer, og gull- og platinatrofé for cd-ane sine.

Konserten vert arrangert i samarbeid med Stord sokneråd. 

Programmet for Falturiltu 2021 er så å seie i boks, og blir sleppt i starten av september. Årets festivalforfattar er Ruth Lillegraven, og tema blir Inn i det grøne, inspirert av Lillegraven sitt fokus på natur og miljøvern.  

Rekordstor kulturrådsstøtte!

Falturiltu har nett blit tildelt 250.000,- av Kulturrådet!  Me er utruleg glade for denne rekordstore tildelinga, det er første gong festivalen får eit tilskot på over 200.000,-

Det er ingen tvil om at dette gjev ekstra motivasjon og spelerom til å utvikla eit spanande program til hausten. Me gler oss til god festivalstemning i november, saman med festivalforfattar Ruth Lillegraven og mange andre gjester.

Festivalforfattar 2021!

190925_0925RuthLillegraven_©ann-sissel-holthe__L3A6071-Edit-scaledDet er ei stor glede å røpa at Ruth Lillegraven har takka ja til å vere festivalforfattar under Falturiltu 2021 (6. – 12. november 2021).

Lillegraven debuterte som forfattar i 2005, og har sidan skrive ei rekkje bøker både for barn og vaksne. For den første diktsamlinga si for barn, Eg er eg er eg er (2016), blei ho nominert til både Brageprisen og Kritikarprisen, og to år seinare kom barnediktsamlinga Skogen den grøne. I tillegg har ho skrive småbarnsserien om Mari og Magnus, og den ferske serien om Klodeklubben – spenningsbøker om miljø og klima.

I regi av Vossa Jazz og Falturiltu, blir ho å treffa allereie laurdag 27. mars, i Voss kulturhus, saman med musikar, komponist og tekstforfattar Annlaug Børsheim, som har tonesett mange av Lillegraven sine dikt for barn.

Mini-bonus-Falturiltu!

Laurdag 6. februar blir det mini-bonus-Falturiltu i Stord kulturhus. Bok og bolle, kl 12, rykande fersk dokumentar om fjorårets 80-årsjubilant, og alltid aktuelle, Einar Økland, med inneleiande samtale mellom Økland og Jane Cathrin Særsten Jünger, kl 14,  og Atle Hansen i samspel med Stord kulturskule, kl 16, i førestillinga fATLEriltu.  Dette var blant dei ytterst få arrangementa som måtte flyttast under Falturiltu 2020, og no er den altså endeleg her, ei nyskapande framsyning med original dans, musikk, teater og litteratur.einars veg (1)