Stord Mållag og Falturiltu har verkeleg gjort eit skup med å få Helge Torvund til Sunnhordland museum, onsdag 7. november kl 20. Torvund har takka ja til berre fire leseoppdrag i 2012 – eitt av dei altså hos oss! Sjå intervju med lyrikaren her: https://www.youtube.com/watch?v=qw7KwsjSKYw (spol fram til 3.42) Dei andre på programmet denne kvelden er Marit Eikemo og brageprisnominerte Aina Basso!

Odd Nordstoga, Maria Parr og Ragnar Hovland strålte under opninga av Falturiltu 2012 i Stord kulturhus, søndag 4. november. Her i eit bilde frå det forrykande avslutningsnummeret «Kveldssong for deg og meg» saman med dansarar frå Heiane mottakssenter, jentekoret Aspane, Stord kulturskule sitt ukuleleorkester og Storm Weather Shanty Choir!

Måndag 5. november får ein dei tre Hovlandkortfilmane Beatpoetane, Emil og kaffikokaren og Eddie Stargazer på rekke og rad i Stord kulturhus. Sistnemnde er basert på Hovland si novelle «Ei fullstendig oversikt over rockens historie i Fusa kommune» og var Magnus Martens (United, Arme Riddere) sin debutfilm. Ragnar Hovland er tilstades og les og fortel mellom filmane. Arrangementet er gratis!