Halvor Folgerø og Stord og Rommetveit skulekorps. Foto: Jørn Olav Myhre
Falturiltu er svært stolte av å kunna presentera heile tre nyskapingar i år.
Først ut er Arrfjes, av og med festivalforfattar Terje Torkildsen og musikar Johan Egdetveit. Den historiske sjøromanen Arrfjeser truleg den mest lesne boka Torkildsen har skrive, og ho blei i Bokåret 2019 kåra til ei av dei ti beste ungdomsbøkene på nynorsk sidan tusenårsskiftet. I samband med festivalforfattaroppdraget på Falturiltu lagar han no altså tingingsverk rundt forteljinga om førstereisguten Ejner Tevig. Forestillinga blir framført i Møllebua (ved Stord kyrkje), laurdag 5. november.
Terje Torkildsen Foto: Marius Vervik
NRK-journalist, forfattar og eks-kornettist Halvor Folgerø vender tilbake til sitt barndoms skulekorps i førestillinga Langs kvar ein vestlandsveg, basert på hans andre samling med historier om dei sagnomsuste vegane på Vestlandet. Her blir det spanande, gripande og morosame forteljingar, foto på stort lerret, og Stord og Rommetveit skulekorps som gjennom utvalde musikkstykke underbygger og kontrasterer forteljingane. Folgerø blir med både på fagott og bass, i Stord kulturhus, måndag 7. november.
Sigrid Moldestad har tonesett utvalde barnedikt av Jan-Magnus Bruheim i førestillinga Regndropeborna og andre dyr, eit samarbeid mellom Falturiltu, Førdefestivalen og Vossa Jazz. Forestillinga blir spela i Valestrand kulturkyrkje, tysdag 8. november.
Det er ei stor glede å kunne røpa at både Tønes og Stein Torleif Bjella kjem til Falturiltu i veke 45 (4. -11. november). I tillegg er den strålande svenske barnebokforfattaren Oskar Kroon, Ragnar Hovland, Bente Bratlund og Aina Basso stadfesta.
Tønes har vakse til å bli ein av landets desidert beste låtskrivarar og tekstforfattarar. På brei Sokndalsdialekt fortel han underfundige og humoristiske historiar om stort og smått. Tønes har gjeve ut ti album, og det siste, Thilda Bøes Legat, stakk av med Spellemannsprisen 2021 i klassen Viser og visepop. Han stiller på Arena, 11. november, med fullt band i ryggen.
Stein Torleif Bjella kjem i år til oss både som låtskrivar, lyrikar og romanforfattar. For romanen Fiskehuset vart han nyleg tildelt Nynorsk litteraturpris 2021, og han har ei perlerad av glimrande plateutgjevingar å ause av. Det er berre å gle seg til ein heilaften i Bjellas låt- og tekstunivers.
Oskar Kroon er forfattar og bakar. Han debuterte med Mitt fönster mot rymden i 2018. For den andre barneboka si, Vänta på vind frå 2019, mottok han den gjeve Augustprisen i heimlandet. Boka blei omsett til nynorsk i 2021, og var blant dei aller finaste bøkene som kom ut her i landet i fjor.
Aina Basso blei nyleg tildelt Samlagsprisen 2022, og ho er aktuell som festspeldiktar under Dei Nynorske festspela i år. Ho kjem til oss med den rykande ferske boka Dei dødsdømde: dødsstraffa i Noreg og historia om nokre av dei som mista livet.
Ragnar Hovland og Bente Bratlund fyller begge 70 år i 2022, og begge vil bli grundig feira under årets festival. Ellers blir det gjensyn med kjende Falturiltu-klassikarar som Ballturiltuog Stallturiltu, i tillegg til at festivalen sjølvsagt har mange fleire godbitar på lur.
Terje Torkildsen er fødd i Stavanger i 1971, er utdanna norsklektor, men har dei siste tiåra jobba som forfattar og artist. Han er kanskje mest kjent som drosjesjåføren i kultfilmen Mongoland, og for eit titals populære ungdomsbøker på nynorsk, blant anna Dystopia-serien og Stavanger Stories I-III. Han har motteke den gjeve Uprisento gonger. Terje Torkildsen blir festivalforfattar under Falturiltu 2022 (4.-11. november), men allereie 9. april kan ein treffe han under årets Vossa Jazz!
Festivalforfattar RuthLillegraven sine bøker for born vil vera den raude tråden i denne femtande Falturiltufestivalen. Du kan treffa henne heile veke 45 (5. – 12. november) blant anna ombord i bokbåten EPOS, både i Brandasund og Leirvik hamn, på leselystturne i 3. klassane på Stord, på Falturiltuseminaret på HVL, og mållagskveld i samtale med Agnes Ravatn og bokbadar Hege Myklebust. Både Småsceneri, Miljøagentane og studentar ved Høgskulen på Vestlandet vil laga framsyningar basert på festivalforfattaren sine bøker, og dikta hennar blir grundig feira i førestillinga Inn i det grøne, med Annlaug Børsheim Band, Stord Soul Children, dansarar og dramaelevar ved Stord kulturskule og born frå Heiane mottakssenter.
I tillegg blir det fleire utstillingar basert på Lillegraven sine tekstar, blant anna av 6. trinn på Leirvik skule, Fitjar VGS FBIE og med illustrasjonane til Mari Kanstad Johnsen og Jens Kristensen.
For å skikkeleg feira jubileet inviterer me til bursdagsfest med den originale programkomiteen, Helga Gunerius Eriksen, Per Olav Kaldestad og Atle Hansen. Dei tre har med seg musikar Anette Thorsheim, og les og syng i Print og Ramme på Leirvik.
Laurdag 6. november blir det heilhusfest i kulturhuset med kake i foajeen, kortfilmprogram med filmar av Bjørn Sortland og Martine Grande, Bok og Politibolle med Marianne Gretteberg Engedal i Stord folkebibliotek og Rullturiltu i skateparken med bokdebutant og skatar, Åshild Moldskred.
Mens me ventar på Goddo har me kalla den litterære søndagsturen, 7. november. Her vil det bli forfattarbesøk ved den nye dagsturhytta Kurebu. Same dag kan ein delta på Stallturiltu, bok- og hestefest på Stord hestesportsenter. Her vil forfattar og illustratør Trude Tjensvold lesa, og det blir barneridning og open kafé. For første gong vil det og bli arrangert ein polsk-norsk forfattardag i samarbeid med Wroclaw folkebibliotek, som kjem på besøk med polske barnebokforfattarar.
Annlaug Børsheim og Vibeke Flesland Havre vil framføre forestillinga si Tenk om eg var ein tanke og kunne reisa til deg, i Stord kulturhus, for inviterte skuleklassar.
Det flytande litteraturhuset EPOS vil ellers vera på rundtur i distriktet heile veka, blant anna med illustratørane og forfattarane Tetiana Kosovska og Vegard Markhus sitt band Naboen min om bord. Skulane i Sunnhordland- og Haugaland vil få besøk av blant anna teikneserieskaparane Ida Neverdahl og Arild Torvund Olsen, samt forfattarane Terje Torkildsen, Inger Johanne Sæterbakk og Harald Nortun.
Musikklina ved Stord vidaregåande skule inviterer til Haustkonsert med Anders Totland som litterær gjest.
Dei vaksne må også få sitt, så den nyopna baren Åtgaum blir arena for vaksenarrangement på kveldstid gjennom heile festivalveka. Her får ein Klassikartimen med Ragnar Hovland, Jon Fosse-program ved SandraKolstad, Vestlandsvegar med Halvor Følgerø, og Bokbar, leia av Ingelin Røssland, med Samlagsforfattarane Gaute Sortland, Mats Rage og Krista Lien Indrehus. Nyopna er også Fengeselet i Leirvik sentrum. Her blir det bokslepp med dramatikar Per Jan Ingebrigtsen og fotograf Øyvind Hjelmen.
Per Olav Kaldestad deltek på Internasjonal kulturklubb sin Språkkafé, med Selma M. Yonus si bok Vuggesang for liten kriger som han har omsett deler av, og Den kulturelle spaserstokken vil tilby besøk med Erna Osland og Inger Lise Belsvik.
